“ఆడది అబల కాదు.. మైదానంలో దిగితే తిరుగులేని సబల” అని నేటి మహిళలు నిరూపిస్తున్నారు. విజయనగరం లో శనివారం కోరుకొండలోని వైజాగ్ ఇంటర్నేషనల్ గ్రౌండ్లో జేఐటిఓ లేడీస్ వింగ్ నిర్వహించిన ‘ధాకడ్ కొరియన్ క్రికెట్ టోర్నమెంట్’ సందడి నెలకొంది. ఈ వేడుకకు ముఖ్యఅతిథిగా ఉమ్మడి విజయనగరం జిల్లా చైర్మన్, వైఎస్ఆర్సిపి జిల్లా అధ్యక్షుడు, భీమిలి నియోజకవర్గ సమన్వయకర్త మజ్జి శ్రీనివాసరావు (చిన్న శ్రీను) కుమార్తె, చిన్న శ్రీను సోల్జర్స్ అధ్యక్షురాలు సిరమ్మ హాజరయ్యారు.
శ్రీచరణిని స్ఫూర్తిగా తీసుకోవాలి..!
ఈ సందర్భంగా చిన్న సోల్జర్స్ అధినేత్రి సిరి సహస్ర మాట్లాడుతూ క్రీడాకారిణుల్లో నూతనోత్సాహాన్ని నింపారు. ఆమె ప్రసంగంలోని మాట్లాడిన ముఖ్యాంశాలు:
మహిళా శక్తి: ఆధునిక ప్రపంచంలో మహిళలు అన్ని రంగాల్లోనూ రాణిస్తున్నారని, ముఖ్యంగా క్రీడారంగంలో యువకులకు ధీటుగా అగ్రస్థానంలో నిలవడం గర్వకారణమని పేర్కొన్నారు.
ప్రపంచకప్ విజయం: ఇటీవల జరిగిన విమెన్స్ క్రికెట్ వరల్డ్ కప్ 2025లో భారత జట్టు ఛాంపియన్గా నిలవడం యావత్ మహిళా క్రీడాకారులకు ఆదర్శమన్నారు.
రాష్ట్ర గర్వం శ్రీచరణి: మన రాష్ట్రానికి చెందిన శ్రీచరణి అద్భుతమైన బ్యాటింగ్, బౌలింగ్ ప్రతిభతో జట్టును ప్రపంచకప్ విజయం వైపు నడిపించిందని గుర్తు చేశారు. నేటి యువత ఆమెను స్ఫూర్తిగా తీసుకుని క్రీడల వైపు ఆసక్తి చూపడం శుభపరిణామన్నారు.
ఉత్సాహంగా సాగిన టోర్నీ
మహిళలు ఏ రంగంలోనూ తక్కువ కాదని నిరూపించడానికి ఇటువంటి టోర్నమెంట్లు వేదికలుగా నిలుస్తాయని సిరమ్మ పేర్కొన్నారు. క్రీడాకారులు ఉత్సాహంగా, క్రీడా స్ఫూర్తితో రాణించాలని ఆకాంక్షిస్తూ అందరికీ శుభాకాంక్షలు తెలిపారు. అంతకుముందు నిర్వాహకులు సిరమ్మను మెమెంటోతో సత్కరించారు.
ఈ కార్యక్రమంలో చిన్న శ్రీను సోల్జర్స్ ఉపాధ్యక్షులు తోట వాసు, చిన్న శ్రీను సోల్జర్స్ సభ్యులు తదితరులు అధిక సంఖ్యలో పాల్గొన్నారు.
