మెగా హీరోలు మళ్లీ విజయాల బాట పట్టారు. గతేడాది OGతో పవర్ స్టార్ పవన్ కళ్యాణ్ గట్టిగా కంబ్యాక్ ఇవ్వగా, తాజాగా మన శంకర వరప్రసాద్ గారు సినిమాతో మెగాస్టార్ చిరంజీవి ఏకగ్రీవ బ్లాక్బస్టర్ను తన ఖాతాలో వేసుకున్నారు. వరుస హిట్లతో మెగా అభిమానులు ఇప్పుడు ఆనందంలో తేలిపోతున్నారు.
అందుకే ఇప్పుడు అందరి చూపూ రాబోయే సమ్మర్ సీజన్పైనే ఉంది. ఈ వేసవిలో మెగా హీరోలు బాక్సాఫీస్ను షేక్ చేయనున్నారనే అంచనాలు భారీగా ఉన్నాయి. పెద్ది, ఉస్తాద్ భగత్ సింగ్, విశ్వంభర వంటి భారీ సినిమాలు కొన్ని వారాల వ్యవధిలోనే విడుదల కావాల్సి ఉంది. అంతేకాదు, సాయి దుర్గా తేజ్ నటించిన సంబరాలు యేటిగట్టు, వరుణ్ తేజ్ నటించిన కొరియన్ కనకరాజు కూడా లేట్ సమ్మర్ రిలీజ్ లక్ష్యంగా పెట్టుకున్నాయి.
అయితే, ఈ మెగా సినిమాల రిలీజ్ షెడ్యూల్లో పెద్ద మార్పులు జరగబోతున్నాయనే టాక్ వినిపిస్తోంది. రామ్ చరణ్ నటించిన పెద్ది సినిమాను మొదట మార్చి 27న విడుదల చేయాలని ప్రకటించారు. కానీ షూటింగ్ ఇంకా పూర్తిగా ముగియకపోవడం, పోస్ట్ ప్రొడక్షన్ పనులు పెండింగ్లో ఉండటంతో, ఈ సినిమా ఎర్లీ సమ్మర్ రిలీజ్ను మిస్ అయ్యే అవకాశాలు ఎక్కువగా కనిపిస్తున్నాయి.
ఇప్పటివరకు అధికారికంగా వాయిదా ప్రకటన రాకపోయినా, సన్నిహిత వర్గాల సమాచారం ప్రకారం పెద్ది సినిమాను మే 1న విడుదల చేయాలనే ఆలోచనలో మేకర్స్ ఉన్నట్లు తెలుస్తోంది.
ఇదే సమయంలో పవన్ కళ్యాణ్ నటించిన ఉస్తాద్ భగత్ సింగ్ రిలీజ్ డేట్పై ఆసక్తికరమైన చర్చ మొదలైంది. పెద్ది ఖాళీ చేసిన డేట్ను ఉస్తాద్ భర్తీ చేసే అవకాశాలు ఉన్నాయనే ప్రచారం జరుగుతోంది. షూటింగ్ పూర్తయినప్పటికీ, ఇంకా కొంత ప్యాచ్ వర్క్తో పాటు పోస్ట్ ప్రొడక్షన్ పనులు మిగిలి ఉన్నాయి.
మొదటి కాపీని ఎంత త్వరగా రెడీ చేయగలుగుతారన్నదానిపైనే ఉస్తాద్ భగత్ సింగ్ మార్చి చివరి వారంలో థియేటర్లకు రావాలా వద్దా అన్నది ఆధారపడి ఉంటుంది.
మరోవైపు, మెగాస్టార్ చిరంజీవి నటించిన ఫాంటసీ అడ్వెంచర్ చిత్రం విశ్వంభర ఇప్పటికే పలుమార్లు వాయిదా పడింది. ముఖ్యంగా వీఎఫ్ఎక్స్ పనుల్లో జాప్యం కారణంగా ఈ సినిమా ఆలస్యమవుతూ వచ్చింది. భారీ బడ్జెట్తో తెరకెక్కిన సినిమా కావడంతో, సమ్మర్ హాలిడే సీజన్లో గ్రాండ్ రిలీజ్ ప్లాన్ చేశారు. కానీ తాజా సమాచారం ప్రకారం, విశ్వంభర కూడా సమ్మర్ను మిస్ చేసి జూలై 10 విడుదలకు టార్గెట్ చేస్తున్నట్లు తెలుస్తోంది.
మొత్తానికి, వరుస మెగా సినిమాలతో హీట్ పెంచాల్సిన మెగా సమ్మర్ ఇప్పుడు పెద్ద షఫుల్ దిశగా వెళ్తోంది. పెద్ది రిలీజ్పై ఇంకా స్పష్టత లేకపోయినా, ఉస్తాద్ భగత్ సింగ్ మాత్రం ముందుగా థియేటర్లలో అడుగుపెట్టే అవకాశాలు ఎక్కువగా కనిపిస్తున్నాయి. ఇక విశ్వంభర రిలీజ్ ప్లాన్స్పై ఇంకా క్లారిటీ రావాల్సి ఉంది. ఇంకా వరుణ్ తేజ్ కనకరాజు కూడా సమ్మర్ లోనే రిలీజ్ అని ప్రకటించారు… సో, ఇన్ని మెగా హీరో ల సినిమాలు వస్తే ఫాన్స్ కి పండగే…
