జగన్నాథ రథయాత్ర తాడు మహిమ – పూరీ రథయాత్ర వెనుక ఉన్న అద్భుత విశ్వాసాలు
ఆషాఢ మాసం ప్రారంభమవుతుంది అంటే మన దేశం ఒక గొప్ప ఆధ్యాత్మిక పర్వదినాన్ని జరుపుకునే సమయం వచ్చింది. అదే పూరీ జగన్నాథ రథయాత్ర. ఈ పునీతమైన పండుగ జూన్ 27, 2025 న ప్రారంభమవుతుంది. ఈ సందర్భంలో పూరీ జగన్నాథ ఆలయం యావత్ ప్రపంచానికి ఆకర్షణీయ కేంద్రమవుతుంది. దేశ విదేశాల నుంచి లక్షలాది భక్తులు పూరీకి చేరుకుంటారు.
ఈ రథయాత్ర ఒక అద్భుతమైన ఆధ్యాత్మిక ప్రయాణం మాత్రమే కాదు… అదో నమ్మకం, భక్తి, సాంప్రదాయం, మోక్షానికి దారి చూపించే ఘనమైన సందర్భం.
రథయాత్రలో జగన్నాథుడు చేసే పర్వటయానం
జగన్నాథుడు తన సోదరుడు బలరాముడు, సోదరి సుభద్రమ్మతో కలిసి మూడు భిన్నమైన రథాలలో పూరీ నగర వీధుల్లో ప్రయాణిస్తాడు. ఈ యాత్రను “గుండిచా యాత్ర” అని కూడా పిలుస్తారు. ఎందుకంటే వారు జగన్నాథుని మేనత్త ఇంటికి – గుండిచా ఆలయానికి వెళతారు. ఇది ఆధ్యాత్మికంగా దేవుడి విశ్రాంతి గృహంగా పరిగణించబడుతుంది. ఈ ప్రయాణం 9 రోజుల పాటు కొనసాగుతుంది.
మూడు రథాల పేర్లు మరియు వాటి తాళ్ల (తాడుల) విశిష్టత
- జగన్నాథుని రథం
- పేరు: నందిఘోష
- చక్రాల సంఖ్య: 16
- తాడు పేరు: శంఖచూడ
- ఇది అత్యంత భక్తుల అభిమతమైనది.
- బలరాముడి రథం
- పేరు: తలధ్వజ
- చక్రాల సంఖ్య: 14
- తాడు పేరు: వసూలి
- సుభద్రమ్మ రథం
- పేరు: దర్పదలన
- చక్రాల సంఖ్య: 12
- తాడు పేరు: స్వర్ణచూడ
ప్రతి తాడుకి ఒక ప్రత్యేక ఆధ్యాత్మిక శక్తి ఉంది అని నమ్ముతారు. భక్తులు రథం తాడును తాకాలనే తపనతో పూరీకి చేరుకుంటారు.
రథయాత్రలో తాడును తాకడం వెనుక ఉన్న విశ్వాసం
జగన్నాథ రథం తాడును తాకడం అంటే అది కేవలం ఓ తాడు కాదు. అది దేవునితో నేరుగా ముడిపడిన దేవతా స్పర్శ. ఈ తాడును లాగడం ద్వారా ఒక భక్తుడు…
- తన పూర్వజన్మ పాపాల నుండి విముక్తి పొందుతాడని నమ్ముతారు.
- జనన మరణ చక్రం నుంచి బయటపడతాడని విశ్వాసం.
- జగన్నాథుని ఆశీస్సులు నేరుగా అందుతాయని భావించబడుతుంది.
- భక్తి మార్గంలో స్పూర్తి లభిస్తుంది.
- జీవితంలో శుభమైన మార్గంలో నడవడానికి దేవుని అనుగ్రహం లభిస్తుందని విశ్వాసం.
ఇందుకే ఒక్కసారి అయినా రథం తాడును తాకాలని భక్తులు ఎదురుచూస్తుంటారు. కేవలం తాకడమే కాదు, ఎవరైనా తాడును లాగితే ఆ వానికి మోక్షం లభిస్తుందని పురాణాలు చెబుతాయి.
జగన్నాథుని కృప అందరికీ సమానమే
ఇక్కడ ఇంకొక గొప్ప విషయం ఏమిటంటే… ఈ తాడును తాకడానికి ఎలాంటి మత, కుల, జాతి భేదాలు లేవు. హిందువు కాదు అనుకుని ఎవరిని కూడా అడ్డుకోరు. జగన్నాథుడు విశ్వవ్యాప్తుడు. ఎవరైనా నిస్వార్థ భక్తితో రాగలిగితే తాడు తాకవచ్చు. అందుకే జగన్నాథుని పతితపావనుడు అని కూడా పిలుస్తారు – పతితులకే పావనత్వం ఇచ్చే దేవుడు.
ఒకసారి తాడు తాకితే – యాత్ర విజయవంతం
పూరీ రథయాత్రకు వచ్చి రథాన్ని తాకకపోతే, యాత్ర పూర్తి కాలేదని భావిస్తారు. ఇది ఆ భక్తుడికి జగన్నాథుని అనుగ్రహం సంపూర్ణంగా దక్కినట్లే కాదు, అతని పాపాలు కూడా తుడిచిపెట్టినట్టే.
ఈ కారణంగా రథం ముందుకు వస్తుంటే వేలాది మంది భక్తులు తాడును తాకే ప్రయత్నం చేస్తారు. అప్పుడు అక్కడ దృష్టి పెట్టిన వారికి కనిపించేది కాదు… అనుభవించేది మాత్రమే.
రథయాత్ర – ఒక దైవిక ఉత్సవం మాత్రమే కాదు… ఒక మోక్ష మార్గం
ఇలాంటి ఆధ్యాత్మిక అనుభవం భక్తులకు జీవితంలో ఒకటే సారి లభించే అవకాశం. రథాన్ని తాకినప్పుడు భక్తుడు తనను తాను మరచి దేవునిలో లీనమవుతాడు. అదే యాత్ర సారాంశం.
జగన్నాథ రథయాత్రలో రథాన్ని తాకడం, తాడును లాగడం అనేవి నమ్మకంగా కనిపించవచ్చు. కానీ అది కోట్లాది మంది మనోభావాలను, శ్రద్ధను ప్రతిబింబిస్తుంది. ఆ తాడు అంటే తాడుకాదు… అది భక్తిని దేవునితో కలిపే సాక్షాత్తు పవిత్ర బంధం.
ఈ సంవత్సరం మీరు ఈ యాత్రకు హాజరైతే… ఒకసారి తాడును తాకడం మర్చిపోకండి. అది మీ జీవితాన్ని మార్చే క్షణం కావొచ్చు.
