ఎంటర్టైన్మెంట్ సినిమాలకి కేర్ అఫ్ అడ్రస్ గా మారిపోయిన కిరణ్, ఈసారి ‘కే-రాంప్’ అంటూ లైట్ హార్టెడ్ కామెడీతో ప్రేక్షకుల ముందుకు రాబోతున్నాడు. ఇప్పటికే రిలీజ్ అయిన టీజర్లో కొన్ని బోల్డ్ డైలాగ్స్ ఉన్నా, అది మంచి రెస్పాన్స్ తెచ్చుకుంది. ఈ మూవీని అక్టోబర్ 18న దీపావళి కానుకగా విడుదల చేయడానికి ప్లాన్ చేశారు.
ఇప్పుడు తాజాగా, శనివారం సాయంత్రం థియేట్రికల్ ట్రైలర్ విడుదలైంది. ట్రైలర్ చూస్తుంటే టీజర్ ఎక్కడ ఆగిందో అక్కడి నుంచే ఫన్ కొనసాగించినట్టు ఉంది — కానీ ఈసారి బోల్డ్ టచ్ లేకుండా ఫ్యామిలీ టోన్లో ప్యాకేజింగ్ ఇచ్చారు.
ట్రైలర్ మొత్తం హీరో quirky క్యారెక్టర్ చుట్టూనే తిరుగుతుంది. ఫ్రెండ్స్తో సరదాగా టైమ్ స్పెండ్ చేసే హ్యాపీ గో లక్కీ గైగా కిరణ్ కనిపిస్తాడు. అదే సమయంలో హీరోయిన్ యుక్తి ఎంట్రీతో కథ రొమాంటిక్ టర్న్ తీసుకుంటుంది. వారి మధ్య ఉన్న ఫన్, రొమాన్స్ ఎపిసోడ్స్ ప్రేక్షకుల్ని నవ్వించేలా, ఎంజాయ్ చేయించేలా ఉన్నాయి.
హీరో కిరణ్ లైవ్లీ యాక్టింగ్, పంచ్ డైలాగ్స్, నేచురల్ బాడీ లాంగ్వేజ్ ఈ ట్రైలర్ హైలైట్. సాయి కుమార్, మురళీధర్ గౌడ్, వెన్నెల కిషోర్ వంటి సపోర్టింగ్ నటీనటులు తమదైన ఫన్ కలిపారు. డెబ్యూ డైరెక్టర్ జైన్స్ నాని, రొమాన్స్, యాక్షన్, కామెడీని సరిగ్గా మిక్స్ చేసి ప్యాకేజీ రెడీ చేశాడు.
