ఉత్తరప్రదేశ్‌లోని అయోధ్యలో సరయు నదీ తీరం మరోసారి ఆధ్యాత్మిక శోభను సంతరించుకోనుంది. ప్రతి ఏడాది దీపావళి సమయంలో దీపోత్సవం కార్యక్రమం నిర్వహించడం ఆనవాయితి. కాగా, ఈ ఏడాది అక్టోబర్‌ 19న దీపోత్సవాన్ని నిర్వహించనున్నారు. ఆరోజు సాయంత్రం ఘాట్పై నిర్వహించే ఆరతి కార్యక్రమం పెద్ద ఎత్తున జరగనుంది.
ఈ మహోత్సవంలో భక్తులు లక్షలాది దీపాలను సరయు నదీ తీరంలో వెలిగిస్తారు. ఈ దీపాల వెలుగులో అయోధ్యనగరం మెరిసిపోతుంది. ఆకాశంలోనే ఈ దీపాల ప్రతిబింబం కనిపిస్తుందని కూడా చెబుతారు.
శ్రీరామ జన్మభూమికు ప్రతీకగా ఉన్న ఈ నగరంలో దీపోత్సవం ప్రత్యేక ప్రాధాన్యతను కలిగి ఉంది. శ్రీరాముడు 14 సంవత్సరాల వనవాసం ముగించుకొని అయోధ్యకు తిరిగి వచ్చిన రోజును గుర్తు చేసుకోవడమే దీపోత్సవం యొక్క ఆధ్యాత్మిక సారాంశం. ఈ సందర్భంలో రామ, సీత, లక్ష్మణుల ఉత్సవమూర్తులను సరయూ నదీ తీరానికి తీసుకువెళ్ళి ప్రత్యేక పూజలు, వేదఘోషల మధ్య మహా ఆరతి నిర్వహిస్తారు.
ప్రతీ సంవత్సరం దీపోత్సవం కొత్త రికార్డులు సృష్టిస్తోంది. 2025 లో కూడా కోటి దీపాల వెలుగుతో గిన్నీస్ బుక్ ఆఫ్ వరల్డ్ రికార్డ్స్‌లో స్థానం సంపాదించేందుకు అధికారులు సిద్ధమవుతున్నారు. దేశంలోని వివిధ ప్రాంతాల నుంచి భక్తులు, పర్యాటకులు, విదేశీ ప్రతినిధులు కూడా ఈ వేడుకకు హాజరుకానున్నారు.
అయోధ్య నగరమంతా పూలతో, రమణీయ దీపాలతో, రామాయణం ఆధారంగా రూపొందించిన కళాత్మక అలంకరణలతో ముస్తాబవుతోంది. రాత్రి వేళ సారయూ నది తీరంలో జరిగే ఆరతి కార్యక్రమం దేవతామయ వాతావరణాన్ని సృష్టించనుంది.
భక్తులు దీపం వెలిగించడం ద్వారా తమ జీవితంలోనూ అజ్ఞానాంధకారాన్ని తొలగించి జ్ఞానదీపాన్ని వెలిగించాలని ఆకాంక్షిస్తారు.
దీనివల్ల అయోధ్య మరొకసారి భగవాన్ శ్రీరాముని దివ్యప్రభతో వెలుగులమయంగా మారనుంది.
