అవును మీరు విన్నది నిజమే! ఎదో ఇండియాలో బిజినెస్ అంటే వస్తాడు బిల్ గేట్స్, మరి సీరియల్ అంటున్నాం ఏంటి అనుకుంటున్నారా??? ఏమో మన హిందీ సీరియల్ వాళ్ళు పైగా ఏక్తా కపూర్ ఏమైనా చేసేలాగా ఉంది…
మొన్నే మన ‘క్యోంకి సాస్ భీ కభీ బహు థీ’ సీరియల్ ని రీ-స్టార్ట్ చేసారు కదా… అందులో మన మిహిర్ తులసి ల కథ సూపర్ ఫాస్ట్ గా అందరిని కదిలిస్తుంది… సూపర్ గా నడుస్తుంది… ఇంతలో కహాని ఘర్ ఘర్ కి సీరియల్ ఆర్టిస్ట్ పార్వతి OM లని తీస్కువచ్చి, మంచి ట్విస్ట్ ఇచ్చారు…
ఇక ఇప్పుడు ఏకంగా బిల్ గేట్స్ వంతు వచ్చింది!
ప్రపంచ ప్రసిద్ధ దాత, మైక్రోసాఫ్ట్ సహ వ్యవస్థాపకుడు బిల్ గేట్స్, ఈ సీరీస్‌లో గెస్ట్ అపీర్ అవుతారని టాక్ నడుస్తోంది. కథ ప్రకారం, స్మృతి ఇరానీ పాత్ర బిల్ గేట్స్‌తో వీడియో కాల్‌లో మాట్లాడే సన్నివేశం ఉండబోతుందట. ఆ సంభాషణ మూడు ఎపిసోడ్‌ల వరకు సాగుతుందని సమాచారం.
వారిద్దరి మధ్య సంభాషణ గర్భిణీ స్త్రీలు, నవజాత శిశువుల ఆరోగ్యం గురించి ఉంటుందని వినిపిస్తోంది. ఈ సీరీస్ ప్రధాన ఉద్దేశం కూడా అదే — గర్భిణీ స్త్రీలు, పసిపాపల ఆరోగ్యంపై అవగాహన పెంచడం. బిల్ గేట్స్ ఇంకా ఆయన భార్య మెలిండా గేట్స్ అనేక సంవత్సరాలుగా ఈ రంగంలో సేవలు అందిస్తున్నారు. అందుకే, సీరీస్ మేకర్స్ ఆయనను ఈ గెస్ట్ రోల్ కోసం ఆహ్వానించడం సరిగ్గా సరిపోతుందనిపించింది.
అయితే ప్రస్తుతం ఇది కేవలం రూమర్ మాత్రమే. అధికారికంగా సీరీస్ టీమ్ నుంచి ఎలాంటి ప్రకటన రాలేదు.
మరి బిల్ గేట్స్ నిజంగా స్మృతి ఇరానీతో ఒకే స్క్రీన్‌పై కనిపిస్తారా? లేక ఇది సోషల్ మీడియాలో వచ్చిన మరో బజ్ మాత్రమేనా? అన్నది త్వరలోనే స్పష్టమవుతుంది. కానీ ఒక విషయం మాత్రం ఖచ్చితం — ‘క్యోంకి సాస్ భీ కభీ బహు థీ 2’ సీరీస్ ఇప్పుడు చిన్న తెరపై కొత్త చర్చలకు దారి తీస్తోంది.
