టాలీవుడ్‌కి చెందిన యంగ్ సెన్సేషన్ శ్రీలీల… తన డ్యాన్స్ స్టెప్స్ తో ఎంతో తక్కువ సమయంలోనే తెలుగు ప్రేక్షకుల హృదయాలను గెలుచుకుంది. ఆమె స్టైల్, గ్రేస్, ఎనర్జీని ప్రస్తుత తరం నటీమణుల్లో కొద్దిమంది మాత్రమే సరితూగగలరు. అంతేకాదు — ఆమెతో స్క్రీన్ షేర్ చేసే హీరోలకే డ్యాన్స్‌లో మ్యాచ్ కావడం ఒక సవాల్‌లా మారుతుంది!
ఇలాంటి ఎనర్జీ క్వీన్ శ్రీలీలకు ఇప్పుడు కొత్త రకం సాంగ్ వచ్చింది. ఆమె హీరో శివ కార్తికేయన్‌తో కలిసి నటిస్తున్న ‘పరాశక్తి’ సినిమా నుండి వచ్చిన మొదటి సింగిల్ “సింగారాల సీతాకోక” అనే పాట పూర్తిగా మెలోడీ ఫీల్‌లో ఉండి, ఒక అందమైన ప్రేమకథను చెప్పే విధంగా రూపుదిద్దుకుంది. ఈ పాటలో రేట్రో వాతావరణం, పాత కాలపు అందాన్ని గుర్తు చేస్తూ వింటే మనసు విప్పారేలా ఉంటుంది.
ఎల్‌.వి. రేవంత్‌, ఢీ గాత్రంతో ఆత్మను తాకేలా పాడిన ఈ గీతానికి భాస్కర్ భట్ల అర్థవంతమైన సాహిత్యం జతగా నిలిచింది. సంగీత దర్శకుడు జి.వి. ప్రకాష్ కుమార్ తన 100వ ఆల్బమ్‌గా ఈ చిత్రానికి సంగీతం అందిస్తూ మరోసారి తన ప్రత్యేక మ్యూజిక్ స్టైల్‌తో మైమరిపించాడు. సివా కార్తికేయన్ – శ్రీలీల జంటగా ఒక చురుకైన వీధిలో తేలికైన, ఆహ్లాదకరమైన ప్రేమను చూపిస్తూ స్క్రీన్‌పై మంత్రముగ్ధుల్ని చేస్తారు.
ఈ పాట శ్రీలీల కెరీర్‌లో ఇప్పటి వరకు చేసిన మాస్ నంబర్స్‌కి పూర్తి భిన్నంగా ఉంది. ఆమె కళ్లలో మెరిసే భావాలు, సున్నితమైన చిరునవ్వు ఈ సాంగ్ హైలైట్‌గా నిలుస్తాయి. ఈ చిత్రంతో తమిళ సినీ పరిశ్రమలోకి శ్రీలీల సత్తా చాటుకునే అవకాశం కూడా ఉంది. ఇప్పటికే ఈ పాటకు అద్భుతమైన స్పందన వస్తోంది. సంగీత ప్రేమికులు దీనిని చార్ట్‌బస్టర్‌గా మలుస్తున్నారని చెప్పాలి.
సుమారు రూ.150 కోట్ల భారీ బడ్జెట్‌తో నిర్మితమవుతున్న పరాశక్తి సినిమా, 1970ల తమిళనాడులో జరిగిన ఆంటి హిందూ ఉద్యమాల నేపథ్యంలో సాగే పీరియడ్ డ్రామాగా తెరకెక్కుతోంది. సుధా కొంగర దర్శకత్వం వహిస్తున్న ఈ చిత్రం జనవరి 14న ప్రేక్షకుల ముందుకు రానుంది.
