మకర సంక్రాంతి అనగానే కేవలం పండుగ సంబరాలే కాదు… జ్యోతిష్య పరంగా ఇది ఒక మహత్తరమైన మలుపు. సూర్యుడు మకర రాశిలోకి ప్రవేశించి దక్షిణాయనం నుంచి ఉత్తరాయణం చేసే ఈ శుభ సమయంలో, ధర్మం, శక్తి, వెలుగు మరింత బలపడతాయని శాస్త్రాలు చెబుతున్నాయి. ఈ సంచారం పన్నెండు రాశులపై ప్రభావం చూపినప్పటికీ, కొన్ని రాశుల వారికి మాత్రం అదృష్ట ద్వారాలు విశాలంగా తెరుచుకుంటున్నాయి.
మేష రాశి వారికి సంక్రాంతి తర్వాత జీవితం కొత్త ఊపిరి పీల్చుకుంటుంది. ఆగిపోయిన పనులు కదలికలోకి వస్తాయి. ఆరోగ్యం మెరుగుపడటంతో పాటు ఉద్యోగ, ఆర్థిక రంగాల్లో పురోగతి కనిపిస్తుంది. కుటుంబంలో సుఖశాంతులు పెరుగుతాయి.
వృషభ రాశి వారికి ఇది నిజంగా బంగారు కాలం. సూర్యుడి కృపతో కొత్త అవకాశాలు అందుతాయి. నిరుద్యోగులకు ఉద్యోగ యోగం కలుగుతుంది. ఇంటా బయట ఆనందకర వాతావరణం నెలకొంటుంది.
వృశ్చిక రాశి వారికి సంక్రాంతి నుంచి అదృష్టం చిరునవ్వు నవ్వుతుంది. అప్పులు తీరిపోతాయి. కార్యాలయాల్లో మీ ప్రతిభకు గుర్తింపు లభించి, ఉన్నతాధికారుల ప్రశంసలు పొందుతారు.
మకర రాశి వారికి సూర్య సంచారం ప్రత్యేక వరం. కెరీర్లో వేగం పెరుగుతుంది. ఆదాయం మెరుగుపడి, స్థిరాస్తి రంగంలో ఉన్నవారికి మంచి లాభాలు అందుతాయి. సమాజంలో గౌరవం పెరుగుతుంది.
కుంభ రాశి వారికి సంక్రాంతి తర్వాత మార్పుల కాలం మొదలవుతుంది. పనుల్లో ఆటంకాలు తొలగిపోతాయి. విదేశీ ప్రయాణ యోగం, ఆకస్మిక లాభాలు కలిసివస్తాయి. ఖర్చులు తగ్గి, సంతృప్తి పెరుగుతుంది.
ఈ విధంగా మకర సంక్రాంతి కొన్ని రాశుల జీవితాల్లో కొత్త వెలుగులు నింపబోతోంది. భక్తితో సూర్యారాధన చేస్తే, ఈ శుభఫలాలు మరింత బలపడతాయని జ్యోతిష్యులు సూచిస్తున్నారు.
