బెల్లంకొండ సాయి శ్రీనివాస్ హీరోగా, లుధీర్ బయరెడ్డి దర్శకత్వంలో తెరకెక్కుతున్న ‘హైందవ’ సినిమా భారీ యాక్షన్ ఎంటర్టైనర్గా రూపుదిద్దుకుంటోంది. ఈ సినిమా అనౌన్స్మెంట్ టీజర్నే ప్రేక్షకుల్లో భారీ అంచనాలను పెంచింది. ఇక ఈరోజు, హీరో బెల్లంకొండ బర్త్డే సందర్భంగా విడుదల చేసిన కొత్త పోస్టర్ సినిమా మీద ఆసక్తిని మరింత పెంచుతోంది.
ఈ పోస్టర్లో బెల్లంకొండ సాయి శ్రీనివాస్ ఫియర్స్ లుక్లో కనిపిస్తూ, డివైన్ శక్తి తనకు దారి చూపిస్తున్నట్టు గా, యుద్ధానికి సిద్ధంగా ఉన్నట్టు గా ఆకట్టుకుంటున్నారు.
ఇదిలా ఉండగా, ఈ ప్రాజెక్ట్కు సంబంధించిన నాలుగో షెడ్యూల్ షూటింగ్ను ఇటీవలే పూర్తి చేశారు. ఈ షెడ్యూల్ మారేడుమిల్లి అడవుల్లో, కఠినమైన కానీ అందమైన ప్రాంతాల్లో వేగంగా సాగింది. ఈ దశలో కీలకమైన సన్నివేశాలను చిత్రీకరించినట్టు సమాచారం.
ఈ షెడ్యూల్ పూర్తి కావడంతో, మొత్తం షూటింగ్లో 70 శాతం భాగం పూర్తయ్యిందని మేకర్స్ అధికారికంగా ప్రకటించారు. దీంతో సినిమా గ్రాండ్ థియేట్రికల్ రిలీజ్కి మరింత దగ్గరైంది.
కొత్త పోస్టర్లో కనిపిస్తున్న బెల్లంకొండ సాయి శ్రీనివాస్ మాస్ లుక్, ఆయన ఆన్స్క్రీన్ ఇమేజ్ను కొత్త స్థాయికి తీసుకెళ్లనుందని తెలుస్తోంది. ‘యాక్షన్ హల్క్’గా ప్రేక్షకుల ముందుకు రాబోతున్న సాయి శ్రీనివాస్, తన గత సినిమాలన్నింటికీ భిన్నమైన, పూర్తిగా కొత్త అనుభూతిని ఇవ్వబోతున్నారు. ఇది ఆయన కెరీర్లోనే అత్యంత భారీ యాక్షన్ అడ్వెంచర్ మూవీగా నిలవనుంది.
మూన్ షైన్ పిక్చర్స్ బ్యానర్పై చందు మహేష్ నిర్మిస్తున్న ఈ చిత్రంలో సమ్యుక్త, మహేష్ మంజ్రేకర్, సౌరభ్ సచ్దేవ్, జేడీ చక్రవర్తి కీలక పాత్రల్లో నటిస్తున్నారు. సంగీతాన్ని సామ్ సీఎస్ అందిస్తున్నారు.
