టాలీవుడ్కు చెందిన ప్రముఖ రచయిత కోన వెంకట్ ఇటీవల బాలీవుడ్ స్టార్ హీరో హృతిక్ రోషన్తో కలిసి ఒక భారీ ప్రాజెక్ట్ చేయబోతున్నట్లు ప్రకటించి వార్తల్లో నిలిచిన విషయం తెలిసిందే. ఈ సినిమాకు ప్రముఖ దర్శకుడు బాబీ కొల్లి దర్శకత్వం వహిస్తారని కూడా ఆయన వెల్లడించారు. ఈ ప్రకటన వెలువడిన వెంటనే సోషల్ మీడియాలో భారీ చర్చ మొదలైంది. టాలీవుడ్ – బాలీవుడ్ కలయికలో భారీ సినిమా రాబోతుందని అభిమానులు కూడా ఎంతో ఆసక్తిగా ఎదురుచూశారు.
కానీ తాజాగా బాలీవుడ్ వర్గాల నుంచి వస్తున్న వార్తలు మాత్రం కొంచెం భిన్నంగా ఉన్నాయి. అక్కడి మీడియా రిపోర్టుల ప్రకారం హృతిక్ రోషన్ ఇప్పటివరకు కోన వెంకట్, బాబీ కొల్లి ప్రాజెక్ట్కు అధికారికంగా గ్రీన్ సిగ్నల్ ఇవ్వలేదని తెలుస్తోంది.
ప్రస్తుతం ఉన్న సమాచారం ప్రకారం, హృతిక్ రోషన్, కోనా వెంకట్, బాబీ కొల్లి మధ్య ఒక సమావేశం జరిగిన విషయం నిజమే. ఆ సమయంలో హృతిక్ కథను విన్నారని, కథలోని కొన్ని అంశాలు ఆయనకు నచ్చినట్లు కూడా చెబుతున్నారు. కథపై ఆసక్తి చూపినప్పటికీ, సినిమా చేయడానికి మాత్రం ఇప్పటివరకు తుది నిర్ణయం తీసుకోలేదని బాలీవుడ్ వర్గాలు చెబుతున్నాయి.
హృతిక్కు దగ్గరగా ఉన్న కొందరు కూడా ఇదే విషయాన్ని స్పష్టం చేశాయి. ప్రస్తుతం హృతిక్ రోషన్ కోన వెంకట్ లేదా బాబీ కొల్లితో సినిమా చేయడానికి ఒప్పుకోలేదని, ఆ ప్రాజెక్ట్ ఇంకా చర్చల దశలోనే ఉందని తెలిపారు.
ఇదిలా ఉండగా, ప్రస్తుతం హృతిక్ రోషన్ మరో భారీ ప్రాజెక్ట్పై దృష్టి పెట్టినట్లు సమాచారం. ప్రముఖ నిర్మాణ సంస్థ హోంబలే ఫిలిమ్స్తో కలిసి ఒక భారీ బడ్జెట్ సినిమాలో నటించడానికి ఆయన సిద్ధమవుతున్నట్లు వార్తలు వినిపిస్తున్నాయి. ‘కేజీఎఫ్’, ‘సలార్’ వంటి పాన్ ఇండియా హిట్లను అందించిన ఈ నిర్మాణ సంస్థతో హృతిక్ చేసే సినిమా గురించి త్వరలో అధికారిక ప్రకటన రావొచ్చని సినీ వర్గాలు చెబుతున్నాయి.
ఇక ఆసక్తికరమైన విషయం ఏమిటంటే, హోంబలే ఫిలిమ్స్ ప్రాజెక్ట్ గురించే కోన వెంకట్ గతంలో సూచన ఇచ్చి ఉండొచ్చని కూడా కొన్ని వార్తలు వినిపించాయి. ఆ సినిమాకే బాబీ కొల్లి దర్శకత్వం వహిస్తారనే ప్రచారం కూడా జరిగింది. కానీ ఈ విషయంపై ఇప్పటివరకు ఎలాంటి అధికారిక స్పష్టత రాలేదు.
ముందుగా కోన వెంకట్ చేసిన వ్యాఖ్యలు మాత్రం సోషల్ మీడియాలో పెద్ద చర్చకు దారి తీశాయి. హృతిక్ రోషన్ కథను ఎంతో ఇష్టపడ్డారని, దర్శకుడు బాబీ ఆలోచనలు ఆయనను ఆకట్టుకున్నాయని కోనా వెంకట్ ఒక ఇంటర్వ్యూలో చెప్పారు. అంతేకాదు, బాబీ కథలు ఎలా ఆలోచిస్తారో తెలుసుకోవడానికి హృతిక్ ఆయనను సరదాగా “మీరు ఏమి తింటారు?” అని కూడా అడిగారని కోనా చెప్పడంతో ఆ వ్యాఖ్యలు వైరల్ అయ్యాయి.
ఈ వ్యాఖ్యలతో టాలీవుడ్ అభిమానుల్లో కూడా భారీ ఆసక్తి పెరిగింది. హృతిక్ రోషన్ – బాబీ కొల్లి కాంబినేషన్లో సినిమా వస్తే అది ఖచ్చితంగా పాన్ ఇండియా స్థాయిలో పెద్ద సంచలనంగా మారుతుందని చాలామంది భావించారు.
అయితే ఇప్పుడు బాలీవుడ్ వర్గాల నుంచి వస్తున్న తాజా సమాచారం వల్ల కోన వెంకట్ చెప్పిన విషయాలపై కొంత అనుమానం వ్యక్తమవుతోంది. అసలు ఈ ప్రాజెక్ట్ నిజంగా జరుగుతుందా లేదా అన్నది ఇంకా స్పష్టంగా తెలియడం లేదు.
వామ్మో… డైరెక్టర్ బాబీ తో హ్రితిక్ రోషన్ సినిమా…
