పవన్‌ కళ్యాణ్‌ ఓజీ రికార్డ్‌ బ్రేక్‌

పవన్‌ కళ్యాణ్ గ్యాంగ్‌స్టర్ డ్రామా “దే కాల్ హిమ్ OG”, సుజీత్ దర్శకత్వంలో, డీవీవీ ఎంటర్‌టైన్‌మెంట్ నిర్మాణంలో వస్తున్న ఈ చిత్రం, యూఎస్ ప్రీ-సేల్ రికార్డులను బద్దలు కొట్టింది. ఆగస్టు 28న బుకింగ్స్ ప్రారంభమైన కొద్ది రోజుల్లోనే $505,514 (సుమారు 4.2 కోట్ల రూపాయలు) వసూళ్లు సాధించి సంచలనం సృష్టించింది.

ముంబై అండర్‌వర్ల్డ్ నేపథ్యంతో పవన్‌ కళ్యాణ్ కీలక పాత్రలో కనిపిస్తున్న ఈ సినిమా, “కల్కి 2898 AD”, “పుష్ప 2: ది రూల్” వంటి భారీ చిత్రాలను దాటేసి, ఉత్తర అమెరికాలో అత్యంత వేగంగా ఈ మైలురాయిని చేరిన భారతీయ సినిమాగా రికార్డు నెలకొల్పింది.

ఇప్పటివరకు 308 లొకేషన్లలో 17,000కు పైగా టిక్కెట్లు అమ్ముడవ్వడం పవన్ కళ్యాణ్ స్టార్ పవర్, అభిమానుల్లో ఉన్న ఆతృతను స్పష్టంగా చూపిస్తోంది. సెప్టెంబర్ 25న విడుదల కాబోతున్న ఈ సినిమాపై భారీ అంచనాలు నెలకొన్నాయి.