సర్వార్థ సిద్ధి యోగం పంచాంగంలో అత్యంత శుభప్రదమైన, కార్యసిద్ధికి దోహదపడే యోగాలలో ఒకటిగా ప్రశస్తి పొందింది. సాధారణంగా మూఢం అనే కాలాన్ని శుభకార్యాలకు అనుకూలం కాదని భావిస్తారు. ఈ సమయంలో కొత్త పనులు చేయకూడదని, ముఖ్య నిర్ణయాలను వాయిదా వేయాలని పెద్దలు చెబుతుంటారు. అయితే ఈ రోజు ఏర్పడిన సోమవారం + పుష్యమీ నక్షత్రం సంగమంతో ఏర్పడే సర్వార్థ సిద్ధి యోగం మూఢ దోషాలను తగ్గించి, శుభఫలితాలను అందించే శక్తితో ఉంటుందని శాస్త్రాలు స్పష్టం చేస్తున్నాయి.
ఈ యోగం సూర్యోదయం నుండి రాత్రి 02:52 వరకు కొనసాగుతుంది. ఈ వ్యవధిలో కొత్త వ్యాపారాలు ప్రారంభించడం, ఒప్పందాలపై సంతకాలు చేయడం, పెట్టుబడులు పెట్టడం, శుభముహూర్త కార్యక్రమాలు ప్రారంభించడం, ఇల్లు లేదా వాహనం కొనుగోలు చేయడం, విద్య, ఉద్యోగ సంబంధిత కొత్త ప్రయత్నాలు ప్రారంభించడం అత్యంత శ్రేయస్కరం. సర్వార్థ సిద్ధి యోగం కారణంగా మొదలుపెట్టిన పనులు ఆశించినదానికంటే మెరుగైన ఫలితాలను ఇస్తాయని జ్యోతిష శాస్త్రం చెబుతుంది.
మూఢంలో పని చేయకూడదన్న భయం ఈ సందర్భంలో అవసరం లేదు, ఎందుకంటే ఈ యోగం నెగెటివ్ ప్రభావాలను పూర్తిగా తగ్గించే సామర్థ్యాన్ని కలిగి ఉంటుంది. శుభశక్తులను పెంచి, ఆరంభించే పనులకు శ్రీకారం చుడుతూ విజయాన్ని అందించే సమయంగా ఈ రోజు నిలుస్తుంది. అందువల్ల సందేహం లేకుండా కొత్త పనులను ప్రారంభించేందుకు ఇది అత్యంత అనుకూలమైన రోజు.
