తెలుగు ఫిలిం డైరెక్టర్స్ అసోసియేషన్ ఎలక్షన్స్ లో సాయి రాజేష్ టీం ఘన విజయం…

తెలుగు ఫిలిం డైరెక్టర్స్ అసోసియేషన్ ఎలక్షన్స్ లో సాయి రాజేష్ టీం ఘన విజయం…

తెలుగు ఫిల్మ్ డైరెక్టర్స్ అసోసియేషన్ ఎన్నికల రిజల్ట్స్ ఇందాకే వచ్చాయి. ఐతే ఇందులో ఎవ్వరు ఊహించని నేషనల్ అవార్డు గ్రహీత దర్శకుడు Sai Rajesh మద్దతుతో పోటీ చేసిన ప్యానెల్ ఘన విజయం సాధించింది. ఈ ఎన్నికల్లో V. N. Aditya అధ్యక్షుడిగా ఎన్నిక కాగా, సాయి రాజేష్ Treasurer గా బాధ్యతలు స్వీకరించారు.

ఇండస్ట్రీలో చాలామంది సాయి రాజేష్ ఈ ప్రచారానికి ప్రధాన శక్తిగా నిలిచారని భావిస్తున్నప్పటికీ, ఆయన అధ్యక్ష పదవికి స్వయంగా పోటీ చేయకుండా వి.ఎన్. ఆదిత్యను ముందుకు తీసుకువచ్చారు. వర్కింగ్ డైరెక్టర్లతో ఉన్న అనుబంధం, సంస్థాగత కార్యకలాపాల్లో తన చురుకైన పాత్రతో అసోసియేషన్‌ను బలోపేతం చేయడమే తన లక్ష్యమని రాజేష్ స్పష్టం చేశారు.

ఈ విజయం మరింత విశేషమైంది ఎందుకంటే సాయి రాజేష్ మొత్తం 1054 ఓట్లలో 938 ఓట్లు సాధించారు. డైరెక్టర్స్ అసోసియేషన్ ఎన్నికల చరిత్రలో ఇంత భారీ మెజారిటీతో గెలిచిన తొలి యువ దర్శకుడిగా ఆయన నిలిచారు. ఈ విజయం ప్యానెల్‌పై, ముఖ్యంగా సాయి రాజేష్ నాయకత్వంపై దర్శకుల నమ్మకాన్ని ప్రతిబింబిస్తుంది.

ఈ ప్యానెల్ విజయానికి సినీ పరిశ్రమలోని పలు తరాల దర్శకుల మద్దతు కీలకంగా మారింది. సీనియర్ దర్శకుల నుంచి ప్రస్తుత తరానికి చెందిన బిజీ ఫిల్మ్ మేకర్స్ వరకు చాలామంది వచ్చి ఓటు వేసి తమ విశ్వాసాన్ని తెలియజేశారు.