2025 సంవత్సరం టెక్ ప్రపంచానికి ముఖ్యమైన మలుపు తీసుకువచ్చింది. US యాప్ స్టోర్ వార్షిక చార్ట్స్ ప్రకారం, ఈ సంవత్సరం అత్యధికంగా డౌన్లోడ్ చేయబడిన ఫ్రీ iPhone యాప్గా ChatGPT అగ్రస్థానాన్ని దక్కించుకుంది. గత ఏడాది నాలుగో స్థానంలో ఉన్నప్పటికీ, ఈసారి టిక్టాక్, ఇన్స్టాగ్రామ్, గూగుల్, థ్రెడ్స్, వాట్సాప్ వంటి ప్రముఖ యాప్లను అధిగమించడం ఎంతో విశేషం. ప్రపంచవ్యాప్తంగా మార్చి నెలలో కూడా అత్యధికంగా డౌన్లోడ్ చేయబడిన యాప్గా ChatGPT నిలిచింది. సోషల్ మీడియా దిగ్గజాలు, గూగుల్ మ్యాప్స్ వంటి యుటిలిటీ యాప్లను కంటే వేగంగా ప్రాచుర్యం పొందడం, AI ఇప్పుడు రోజువారీ జీవితంలో ఎంత ముఖ్యమైందో తెలిపింది.
ఓపెన్ఏఐ కూడా ఈ విపరీతమైన డిమాండ్ను దృష్టిలో ఉంచుకుని తన తదుపరి అడుగులను మరింత శక్తివంతంగా మార్చుకుంది. CEO సామ్ ఆల్ట్మన్ GPT-5.2 పనితీరును పెంచడానికి ‘కోడ్ రెడ్’ ప్రకటించినట్లు సమాచారం. కొత్త ఫీచర్లకంటే వేగం, ఖచ్చితత్వం, విశ్వసనీయతపై దృష్టి సారించడం, గూగుల్ జెమిని 3 ఇచ్చిన పోటీకి ప్రతిస్పందనగా చూస్తున్నారు.
ఇప్పటికే ఓపెన్ఏఐ ‘షాపింగ్ రీసెర్చ్’ అనే కొత్త ఫీచర్ను ChatGPTలో ప్రవేశపెట్టింది. ఇది వ్యక్తిగత షాపింగ్ అసిస్టెంట్లా పనిచేస్తూ, యూజర్ అడిగిన ప్రొడక్ట్స్పై రీసెర్చ్ చేసి సరైన సూచనలు అందిస్తుంది. ఉదాహరణకు “₹20 వేల లోపు స్మార్ట్ఫోన్” లేదా “ఈ ఫీచర్లు ఉన్న ల్యాప్టాప్” అని అడిగితే, మార్కెట్లో ఉన్న ఉత్తమ ఎంపికలను విశ్లేషించి సూచిస్తుంది.
ఈ తరహా ఫీచర్లు ChatGPTని సాధారణ యాప్ నుండి—రోజువారీ అవసరాల కోసం ప్రజలు నమ్మి ఉపయోగించే డిజిటల్ భాగస్వామిగా మార్చాయి.
