చార్మింగ్ స్టార్ శర్వా ఈ సంక్రాంతికి పక్కా ఫ్యామిలీ ఎంటర్టైనర్ ‘నారీ నారీ నడుమ మురారి’ తో రేస్లోకి దిగాడు. విడుదల తేదీ దగ్గర పడుతుండటంతో, మేకర్స్ గట్టిగానే ప్రమోషన్స్ చేస్తున్నారు. ఈ క్రమంలో తాజాగా ఈ సినిమా థియేట్రికల్ ట్రైలర్ ను విడుదల చేశారు.
గౌతమ్ తన గర్ల్ఫ్రెండ్తో కలిసి ఒక రొమాంటిక్ ట్రిప్కు వెళ్తాడు. అయితే అదే సమయంలో అతని జీవితంలోకి అతని మాజీ ప్రేమికురాలు ఎంట్రీ ఇవ్వడంతో కథ ఒక్కసారిగా మలుపు తిరుగుతుంది. ఈ అయోమయ పరిస్థితుల్లో గౌతమ్ ఎలా ముందుకు సాగాడు? తన చమత్కారం, తెలివితేటలతో ఈ సమస్యలను ఎలా ఎదుర్కొన్నాడు? అన్నదే ఈ సినిమా కథాంశం.
‘సామజవరగమనా’ సినిమాతో తన కామెడీ టైమింగ్ను నిరూపించిన దర్శకుడు రామ్ అబ్బరాజు, ఈ సినిమాతో మరోసారి తన జానర్పై ఉన్న పట్టు చూపిస్తున్నాడు. శర్వాకు ఇది ఒక రిఫ్రెషింగ్ చేంజ్ లాంటి పాత్ర. ఫ్లాష్బ్యాక్ భాగాల్లో రగ్గడ్గా, ప్రస్తుత కాలంలో చార్మింగ్గా కనిపిస్తూ, అద్భుతమైన కామిక్ టైమింగ్తో శర్వా ఆకట్టుకుంటాడు.
గౌతమ్ ప్రస్తుత గర్ల్ఫ్రెండ్, ఫియాన్సీ పాత్రలో సాక్షి వైద్య కూల్గా కనిపిస్తే, అతని ఎక్స్గా సమ్యుక్త బలమైన ముద్ర వేస్తుంది. వీరితో పాటు నరేష్, సత్య, సునీల్ తదితరులు తమ కామెడీతో సినిమాకు మరింత హైలైట్గా నిలుస్తారు.
మొత్తానికి ట్రైలర్ చూస్తే డబుల్ ఫన్, ట్రిపుల్ మ్యాడ్నెస్ అన్న మాట నిజమేనని అనిపిస్తోంది. సంక్రాంతి రిలీజ్కు ముందు నుంచే అంచనాలను పెంచుతూ, ఈ సినిమా ప్రేక్షకులను అలరించేందుకు సిద్ధంగా ఉందన్న సంకేతాలు స్పష్టంగా కనిపిస్తున్నాయి.
