దక్షిణ భారత చలనచిత్ర చరిత్రలో ఎన్నటికీ చెరిగిపోని చిరస్మరణీయ చిత్రాల్లో సూపర్స్టార్ రజనీకాంత్ నటించిన 1999 విడుదలైన ‘‘నరసింహ’ ఒకటి. రజనీ స్టైలిష్ మాస్ పెర్ఫార్మెన్స్ ఈ సినిమా హైలైట్ అయితే, రమ్యకృష్ణ పోషించిన నీలాంబరి పాత్ర మాత్రం దేశవ్యాప్తంగా సంచలనం రేపింది. అలాంటి లెజెండరీ చిత్రం పూర్తిగా 25 ఏళ్లు పూర్తి చేసుకున్న సందర్భంగా, రజనీ 50 ఏళ్ల సినీ ప్రయాణాన్ని సెలబ్రేట్ చేసుకోవడానికి డిసెంబర్ 12న—ఈ సినిమా మళ్లీ పెద్ద తెరపై సందడి చేసేందుకు సిద్ధమైంది.
ఈ సందర్భంగా రజనీ ఎన్నడూ చూడని విధంగా స్వయంగా ఫ్రంట్ఫుట్లోకి వచ్చి రీ-రిలీజ్ ప్రమోషన్స్ చేశారు. ఒక వీడియో ఇంటర్వ్యూలో ఈ చిత్రంతో తన అనుబంధాన్ని, అనుభవాలను పంచుకుంటూ అందరికీ సర్ప్రైజ్ ఇచ్చారు. కానీ అసలు షాక్ ఇచ్చినది—రజనీ స్వయంగా ‘నరసింహ 2’ పనులు జరుగుతున్నాయి అని చెప్పడమే!
ముఖ్యంగా ఈ సీక్వెల్ పూర్తిగా నీలాంబరి పాత్ర చుట్టూ తిరుగుతుందని వెల్లడి చేయడం అభిమానుల్లో భారీ చర్చలకు దారితీసింది. నీలాంబరి పాత్ర ప్రభావం ఏ స్థాయిలో ఉందో ఈ సినిమా చూసినవారికి బాగా తెలుసు. అయితే ఈ అనౌన్స్మెంట్ బయటకు రావడంతో, సీక్వెల్ కథ ఎలా ఉండబోతోంది? నీలాంబరి ఫ్లాష్బ్యాక్ చూపిస్తారా? లేక కొత్త కథతో ముందుకెళతారా? మొదటి భాగంలో ఆమె చనిపోయిన తర్వాత కథలో ఆమెను ఎలా తిరిగి తీసుకువస్తారు? వంటి ప్రశ్నలు జనం ముందు నిలిచాయి.
అదీ కాకుండా, ‘నరసింహ’ లాంటి క్లాసిక్ సినిమా మంత్రం మళ్లీ రిపీట్ చేయడానికి సరైన దర్శకుడిని ఎలా కనుగొంటారు? అసలు ఇటువంటి క్లాసిక్ని మళ్లీ తాకడం రిస్క్ కాదా? అంటూ కొందరు ఆందోళన వ్యక్తం చేస్తున్నారు. ఒక్కవైపు కథపై సందేహాలు పెరుగుతుండగా, మరోవైపు చాలా మంది ఇది రీ-రిలీజ్కు హైప్ క్రియేట్ చేయడానికి ఇచ్చిన statement మాత్రమే కావచ్చు అని భావిస్తున్నారు. కాని ఏదేమైనా—నరసింహ రీ-రిలో రిలీజ్ మాత్రం ఖచ్చితంగా హిస్టిరియా సృష్టించబోతోంది. ఎందుకంటే ఇది ఇప్పటివరకు ఏ OTTలో లేదు, యూట్యూబ్లో లేదు, చూసేందుకు ఏకైక మార్గం—థియేటర్.
దాంతో తమిళ ప్రేక్షకులు, రజనీ అభిమానులు ఈ రీ-రిలీజ్ను ప్రతిష్టాత్మకంగా తీసుకుని గ్రాండ్గా సెలబ్రేట్ చేయడానికి సిద్ధమవుతున్నారు. ఇలా 25 ఏళ్ల తర్వాత మళ్లీ నరసింహ మాయ పెద్ద తెరపై విరుచుకుపడబోతోంది!
