మహిళలను ఆకర్షిస్తున్న ట్రెండీ లుక్‌ స్వెట్టర్లు

అబ్బబ్బా చలి వణుకు పెట్టేస్తోంది. ఇలాంటి చలిలో జీన్స్‌, టీషర్ట్‌ లేదా సల్వార్‌ కమీజ్‌, లేదా పంజాబీ డ్రస్‌ వేసుకొని బయటకు వెళ్తే… అమ్మో ఇంకేమన్నా ఉందా… చలికి శరీరం పాడైపోతుంది. వెచ్చగా ఉండాలంటే స్వెట్టర్లు వేసుకోవాల్సిందే. కానీ, వెచ్చదనం కోసం స్వెట్టర్లు వేసుకొని బయటకు వెళ్లాలి అంటే..ఏమో ఏమౌతుందో అనే భయం. ఎందుకంటే, స్వెట్టర్‌ అంటే ఒకే రకంగా ఉంటుంది అనే నానుడి ఉండేది. కానీ, ఇప్పుడు ఆ అవసరం లేదు. ఇప్పుడు మార్కెట్లోకి వస్తున్న స్వెట్టర్లు రెయిన్‌బో, మల్టీకలర్‌, యూనికార్న్‌ వంటి రకరకాలైన రంగుల్లో ట్రెండీ ఉండే లుక్‌తో వస్తున్నాయి. ఇలాంటి ఒకటికి నాలుగుసార్లు వేసుకున్నా కొత్తగానే అనిపిస్తుంది. రెండుమూడు డ్రస్సులు కొనుక్కుంటే చాలు. ఎంచక్కా చలికాలం అంతా వెచ్చగా గడిపేయవచ్చు.