మనుషుల మనస్తత్వాలు, క్షణికావేశంలో కలిగే కోరికలు, మరియు నమ్మకద్రోహం చుట్టూ అల్లిన ఫిలిప్పీన్స్ చిత్రం ‘పాలిపట్-లిపట్, పపాలిట్-పాలిట్’ (Palipat-Lipat, Papalit-Palit) ప్రస్తుతం సోషల్ మీడియాలో హాట్ టాపిక్గా మారింది. 2024లో విడుదలైన ఈ సినిమా, ప్రముఖ ఓటీటీ ప్లాట్ఫామ్ ‘వివామాక్స్’ (Vivamax) లో స్ట్రీమ్ అవుతూ రికార్డు స్థాయి వ్యూస్తో దూసుకుపోతోంది. అయితే, ఈ సినిమాలోని బోల్డ్ కంటెంట్ మరియు పచ్చిగా చూపించిన అక్రమ సంబంధాల దృశ్యాలు చూసి నెటిజన్లు “బాబోయ్.. ఇదేం సినిమా!” అంటూ ముక్కున వేలేసుకుంటున్నారు.
ఈ చిత్ర కథాంశం ఒక మత్స్యకారుల గ్రామంలో సాగుతుంది. సముద్రంలో ఆల్చిప్పలు ఏరుకుంటూ ప్రశాంతంగా జీవించే లారీ, ఎడ్నా అనే దంపతుల జీవితంలోకి ‘అమీ’ అనే అపరిచిత యువతి ప్రవేశించడంతో కథ మలుపు తిరుగుతుంది. రోడ్డు పక్కన స్పృహ తప్పి పడి ఉన్న అమీని జాలితో లారీ తన ఇంటికి తీసుకువస్తాడు. కానీ, ఆశ్రయం పొందిన అమీ, కృతజ్ఞతకు బదులు తన గ్లామర్తో లారీని ఆకర్షించి, ఆ సంసారంలో చిచ్చు పెడుతుంది. కళ్ల ముందే భార్య ఉన్నా, పరాయి స్త్రీ వ్యామోహంలో పడి లారీ చేసే తప్పులు, దాని వల్ల ఆ కుటుంబం ఎలా పతనం అయిందనేది దర్శకుడు అత్యంత బోల్డ్గా తెరకెక్కించారు.
సినిమా టైటిల్ ‘పాలిపట్-లిపట్’ అంటే ‘ఒక చోట స్థిరంగా ఉండకుండా అటు ఇటు మారడం’ అని అర్థం. అంటే మనిషి కోరికలు ఎప్పుడూ ఒకేలా ఉండవని, పరిస్థితులను బట్టి ఎలా దిగజారుతాయో ఈ చిత్రంలో చూడవచ్చు. విక్టర్ రెలోసా, డెనిస్ ఎస్టెబాన్ తమ పాత్రల్లో ఒదిగిపోయారు. ముఖ్యంగా 18 ఏళ్లు నిండిన వారికి మాత్రమే ఉద్దేశించిన ఈ చిత్రంలో రొమాంటిక్ సీన్లు మితిమీరి ఉన్నాయి. ప్రేమ కంటే మోహం పెరిగితే జీవితాలు ఎలా చిన్నాభిన్నం అవుతాయో క్లైమాక్స్లో కళ్లకు కట్టారు. ఇది పక్కాగా ‘ప్రైవేట్ వాచింగ్’ మూవీ అని, పొరపాటున కూడా ఫ్యామిలీతో కలిసి చూడకూడదని ప్రేక్షకులు హెచ్చరిస్తున్నారు.
